入手過程
這是我第二隻入耳式耳塞, 上年12月Edifier H260耳塞在亦軒非常之火紅, 深水埗黃金多次缺貨, 多次令我失望而回。 結果在鋪頭sale屎推薦下, 我買了同款耳塞EP630。
做工
此耳塞做工很不錯, 勝過某些比它貴兩三倍的耳塞。條線柔軟又唔易纏在一起, 品牌絲印用指甲刮都不掉, 感覺好實淨, 粗用一流。
舒適及隔音性
隻耳塞好輕, 原裝矽膠又薄又軟, 所以載得幾舒服, 隔音唔錯, 但當然不及用耳棉的入耳式耳塞。
易推性
EP630都好易推, 在巴士上將i-Audio G3開到大約一半音量已經足夠。
音質
EP630的低音遠比Koss Spark Plug少, 但都算係多低音的耳塞。用EP630聽女聲慢歌 (王菲/陳慧嫻等) 同埋古典音樂就表現麻麻, 反而男聲如Beyond就唔錯。
小結
以少過HKD$200的價錢, EP630表現都算不錯, 買來粗用聽流行曲都OK
講完EP630，下面是講Koss Spark Plug，請繼續往下看
Koss Spark Plug
入手過程
這是我第一隻入耳式耳塞, 以前用開Discman / MP3跟機耳塞不能隔音, 坐巴士聽MP3時好難聽得清楚, 巴士上實在太嘈了!!! 引擎聲、Road Show廣播、乘客談話/講手機的聲浪, 令我不得不買一隻能隔音的耳塞。
做工
Spark Plug的做工實在很一般, 條線又幼又硬容易纏埋一舊, 絲印好容易甩色, 如此做工不值詳提。
舒適及隔音性
用原裝軟膠塞入耳仔實在唔舒服, 隔音又麻麻。用$25買對黑棉之後, 無論舒適及隔音性都有大幅提高。
易推性
Spark Plug好易推, 我以前部Samsung T5V MP3機輕易推到。
音質
在我用其他入耳式耳塞之前, 我一直覺得Spark Plug好正, 低音勁! 隔音好! 坐巴士聽歌都聽得好清楚。但之後用過其他入耳式耳塞後, 再用番Spark Plug聽女聲簡直不堪入耳!!! 低音太多, 人聲/樂器聲變得超濛。
小結
Koss Spark Plug如此音質不值得買 (我買嗰時要$218，現在約$140), 除非你是重低音愛好者。
又講完Koss Spark Plug，下面是講Westone UM1，請繼續往下看
Westone UM1
入手過程
今年三月時, 我打算買隻較為高檔的入耳式耳塞, 剛巧亦軒二手區有人放, 咁就入手了。
做工
UM1的做工一般, 條線好似扭麻花咁, 不過用耐咗都唔覺得UM1好脆弱，佢係幾襟用的!
舒適及隔音性
因為用耳棉的關係, UM1偑載很舒適, 又夠貼耳；隔音亦很好, 在巴士上听歌可忘記擾人的引擎聲和Road Show廣播聲。
易推性
UM1十分易推, 就算是推力較小的MP3機如G3, 音量開到一半已經夠大聲 (這是我在巴士上聽歌的音量), 用Discman去推UM1 (我用Panasonic CT810)更是絕無問題。
音質
UM1好平均, 真係聽甚麼都不錯。我用UM1來聽不同既男女聲 (王菲、陳慧嫻、陳潔儀、梁靜茹、陳綺貞、張學友等等)、演唱會、古典音樂、電影Soundtrack等都覺得UM1表現好OK。 隔音超好, 聽到好多細節, 音揚又闊過EP630 (當聽王菲既<<天空>>時感覺尤為強烈)。
小結
如果大家聽歌好雜食, 想買隻用途全面既IEM, 又不想買太貴的, 又想隔音好,
那就直接買UM1吧! (全新行貨約HKD$800)
