我也剛入手舊款80GB,聲音很乾淨和KENWOOD完全是不同取向
但目前感覺是很滿意
香港那邊已有人入手9/9新推出的IPC 120GB
這台將取代現行80GB&160GB
這邊轉貼他的聽感
From-亦軒耳機音樂世界
IPOD CLASSIC 120GB REVIEW (暫定為6.5gen)
IEM: UE SF3
本身聽開香港流行曲,jpop,所以揀左三首歌寫聽感
第一次就寫過iem review, source review 都係第一次,
表達方面可能會差少少,希望大家見諒 ,歌曲採用applelossless format
--------------------------------------------------------------------------------------
第一首: 金魚花火-大塚愛 (主要測試低音,音場)
呢首歌入面大概聽得出有幾種明顯嘅樂器,定音鼓,木琴,沙鎚,鋼琴,仲有一隻鼓聲唔知叫咩名,
呢首歌最大特式係由定音鼓鼓聲同埋水滴聲申連而成,係首歌開頭20秒內已經可以聽到,
首先講講定音鼓,6 gen 個時聽係比較散,6.5gen聽落係比較實同埋潛得較深,
sf3 本身bass下潛力比較弱, 可能用高階少少嘅iem會更加好,
另外係歌入面會聽得出好清脆嘅水滴聲伴有少少迴音,仲有沙鎚的伴奏,都好清晰,分析力依然頗高
整首歌聽感比6gen時期更配合同埋係bass方面做得好過6gen,音場方面可以話比6gen闊左,
唔知係唔係心理作用= =,當不斷重複聽呢首歌,好享受定音鼓的鼓聲,仲有一下下嘅重音,
配合清脆嘅水滴聲,閉上眼就好似見到所有樂器排係你面前演奏一樣,講少左樣野,
人聲方面,感覺上樂器聲有少少蓋過人聲,大塚愛把聲都表現得幾暖同埋柔,可能係因為首歌嘅關係啦
--------------------------------------------------------------------------------------
第二首: 接近-張學友&陳慧嫻 (主要測試人聲,音場)
能夠表現出張學友個把磁性的聲音,陳慧嫻柔和甜美的聲線,
兩把聲音係廣闊嘅音場下聽得令人著迷,本身首歌節奏係柔和,
清脆嘅弦樂器同埋響亮嘅簫聲就好似圍繞自己身邊一樣,
呢首歌比第一首歌更能夠充分表現音場嘅廣闊,比6gen有過之而無不及
---------------------------------------------------------------------------
第三首: 三日月-絢香 (主要測試中、高音延伸)
整首歌旋律主要由鋼琴組成,伴以小提琴同結他,樂器聲又唔會蓋過人聲,
絢香的聲線充分表現出中、高頻的延伸,中、高音能夠係廣闊嘅音場下發揮得幾好,
延伸出去嘅歌聲漸漸淡出,人聲較樂器聲前呢個係我聽完嘅感覺
---------------------------------------------------------------------------
總結
整體效能比6gen時期有進步,低頻嘅加強比較有驚喜,至少用sf3 感覺係咁,
音場方面亦都改善左, 中、高音延伸方面就同6gen差唔多,暫時聽得出主要分別係
在於低音同埋音場,音色亦趨向比較暖聲,聲音比起6gen耐聽,順便都試埋EQ,
結果當然又係冇改到爆音嘅情況啦,低音、中音、高音，人聲表現都幾好,
比起6gen有明顯嘅改善,打算向高容量高電量高品質格式進發嘅朋友,
可以試一試120GB呢個版本,80GB同120GB價錢相差少少,
所以推介有意買classic嘅朋友買新版本,報告就此完畢,
一路聽歌一路打聽感,聽到舒服到恰眼瞓,有咩改善空間歡迎提出,
另外相就冇乜特別,都係80GB個個樣,包裝唔同左少少啦,
遲下再貼埋相,比較鍾意新包裝個隻色
圖片
